Rytmisk kompetanseutvikling i kommunane i Sogn og Fjordane

Abstract

Rapporten gjer greie for prosjektet ”Rytmisk kompetanseutvikling” som er gjennomført for Kommunenes Sentralforbund, Sogn og Fjordane i perioden 2001-2002. Gloppen kommune og Flora kommune har vore prosjektkommunar. Nasjonalt senter for voksnes læring (VOX) har gjennom Kompetanseutviklingsprogrammet (KUP) gjeve tilskott til prosjektet. Rapporten tar opp ulike faglege perspektiv innan feltet kompetanseutvikling. Prosjektgjennomføringa blir presentert med vekt på konkrete læringsresultat i dei to kommunane. I siste del av rapporten blir prosjektresultata drøfta i forhold til dei faglege perspektiva knytt til kompetanseutvikling. Hovudkonklusjonen legg vekt på at kompetansearbeidet i dei to kommunane har utvikla seg i to hovudsteg: 1. Frå usystematisk til systematisk 2. Frå systematisk til systemisk